दमक/झापाको कचनकवल गाउँपालिका–४ मा सिटी सफारी र मोटरसाइकल एक-आपसमा ठोक्किँदा एक जनाको मृत्यु भएको छ।
बनियानीबाट लोधाबारी जाँदै गरेको भारतीय नम्बरको मोटरसाइकल (BR-11-C-3071) र विपरीत दिशाबाट आउँदै गरेको सिटी सफारी (प्र १–०१–००२ ह ६४११) हिजो साँझ ६:३० बजे दुर्घटनामा परेका थिए।
दुर्घटनामा गम्भीर घाइते भएका ५० वर्षीय मोटरसाइकल चालक सुकदेव गणेशको भद्रपुरस्थित ओमसाई पाथीभरा अस्पताल पुर्याउनासाथ मृत्यु भएको हो।
प्रहरीले १९ वर्षीय सिटी चालक सैजन मियाँ र दुवै सवारी साधनलाई नियन्त्रणमा लिएर थप अनुसन्धान गरिरहेको छ।
